ŞƏXSİYYƏT HÜSEYN HİLMİ İŞIQ

    Böyük islam alimi və mütəfəkkir Hüseyn Hilmi İşıq Əfəndi 8 mart 1911-ci ildə (Hicri 1329) İstanbul Eyyub Sultanda doğulub, 26 oktyabr 2001 (Hicri 9 Şaban 1422) tarixində axirətə köç etdi.

    Eyyub Sultan Rəşadiyə Nümunə Məktəbini və 1929-cu ildə əsgəri liseyi birincilik qazanaraq bitirdi. Əczaçılıq Fakültəsinə girərək hərbi əczaçı oldu. Günhanə xəstəxanasında bir illik stajını birinci olaraq bitirib baş leytenant olaraq Hərbi Tibbi Məktəbinə müzakirəçi təyin edildi. Bu aralarda Kimya Fakültəsinə daxil olaraq yüksək riyaziyyatçı Von Misesdən, mexanika professoru Praqerdən, fizik Demberdən, texniki kimyaçı Qossdan dərs aldı. Kimya professoru Fritz Arndtın yanında çalışıb rəğbətini qazandı.

    1936-cı ildə Türkiyənin ilk kimya yüksək mühəndisi diplomunu aldı. Ankara Mamakda zəhərli qazlar üzrə kimyagər oldu. Burada 11 il qaldı. Orada alman dilini öyrəndi. Hərb qazları mütəxəssisi oldu. 1947-ci ildə Bursa Hərbi Liseyində kimya müəllimi, sonra təhsil müdiri oldu. Sonra burada Kuleli və Ərzincan Hərbi Liseyində uzun illər kimya müəllimliyi kimi çalışıb yüzlərlə hərbiçi yetişdirdi. Polkovnik olduğu zaman 1960-cı ildə pensiyaya çıxdı.

    Pensiyaçı olduqdan sonra İstanbulda Vəfa Liseyi, Cağaloğlu və Bakırköy Sənət İnstitutu kimi müxtəlif məktəblərdə riyaziyyat və kimya müəllimliyi etdi, çoxlu sayda imanlı gənc yetişdirdi.

    Həyatı boyunca insanlarla yaxşı davranmağı, gözəl əxlaq sahibi olmağı, fitnələrə qarışmamağı tövsiyə etmişdir.

    Hüseyn Hilmi İşıq Əfəndi böyük İslam alimi Seyid Abdülhakim Arvasi (rahmətullahi təala aleyh) həzrətlərini 1929-cu ildə tanımaqla və ona xidmət etməklə şərəfləndi. Bu şəxsin söhbət və dərslərində feyz və ehsanlara nail oldu. Sarf, nahv, məntiq, fiqh, hədis, məkul və mənkul, üsul və füru elmlərini təlim etdi. Ərəbcə və farsca tərcümələr edərək gəncliyə xidmət etdi. İcazəti-mütləq almaqla şərəfləndi. Başda Səadəti-Əbədiyyə olmaqla 14 Türkcə və bunların tərcümələri olan digər dillərdə olduqca çox kitabları var.

    26 oktyabr 2001-ci ilin Cümə gecəsi, müalicə aldığı Türkiyə xəstəxanasında vəfat etdi və Eyyub Sultan qəbiristanındakı ailə məzarlığında dəfn edildi.                                                                           (Rahmətullahi təala aleyh)