SAĞLAMLIIQ VİTAMİNLƏRİN FAYDALARI

Bilirik ki, bədənimizin müxtəlif vitaminlərə ehtiyacı vardır. Allahu təalanın yaratdığı hər bir qida məhsulunda vitamin vardır. Bu vitaminlər də bədənimizin sağlamlığı üçün zəruridir. Ona görə də vitaminlərdən düzgün bəhrələnmək və vitamin ehtiyatımızı dolu saxlamaq lazımdır.

Səhərlər bədənin həzm sistemi güclü fəaliyyət göstərir. Ona görə də səhərləri mədənizi bu vitaminlərlə doldura bilərsiniz. Səhər yeməyində bir şirniyyat və ya şokoladın yerinə qoz, fındıq, badam yeyin.

Bitki yağlarını da unutmayın. Qoz və zeytun yağının tərkibində E vitamini vardır. Bu vitamin dərinin qocalmasının qarşısını alır. Bu yağların tərkibində olan K vitamini qanaxmanın qarşısını alır. Bu yağlar qan damarlarını sağlam saxlayır. Bədənimizin gün ərzində 12 milliqram E vitamininə ehtiyacı vardır. Bunun üçün gün ərzində iki xörək qaşığı bu yağlardan qəbul etmək lazımdır. Bizim K1 və K2 vitamininə ehtiyacımız gündə 1 milliqramdır. Bunun üçün 150 qram kələm və ya bir tikə ciyər yeməyimiz kifayət edər.

Bədənimizin gün ərzində 25 qram fibrlərə ehtiyacı vardır. Bunun üçün 100 qram lobya, kartof, yerkökü yeyin. Əgər tərəvəzə və ya meyvəyə qarşı həssassınızsa, həftədə bir və ya iki dəfə meyvə yeyin və qalan vaxtları lobya və mərciyə müraciət edin. Qəhvəyi düyü yeyin, ağ düyüdən çox istifadə etməyin. Dənli bitkilərdən çoxlu istifadə edin: buğda, arpa kimi. Gün ərzində üç tikə çörək yeməli və ya 25 qram taxıl bitkilərdən yeməliyik. Bu ehtiyacımızı bulğur, kəpək, un, kəpəkdən bişən çörəklə də ödəyə bilərik.

Meyvə və tərəvəzlər vitamin deposudur. Gün ərzində meyvə və tərəvəz yeməyə çalışın. 80-100 qram meyvə yeyin. Vitamin azlığı bizə bəzi narahatlıqlar verə bilər. Ona görə də gün ərzində müxtəlif cür meyvə və tərəvəz yemək lazımdır. Ədviyyat, badam, qozu da unutmayın. Hər bir meyvəni öz fəslində yeyin.

“Omeqa 3” qəbul edin. “Omeqa 3” qan damarları və beynimiz üçün çox faydalıdır. Bu maddə xolesterin və ürək xəstəlikləri ilə mübarizə aparar. Bədənimiz gün ərzində 2,5 qram “Omeqa 3” qəbul etməlidir. 100 qram balığın tərkibində bu maddə vardır.

Qoz, fındıq, badamın həm özünü və həm də yağını çox tövsiyə edirik.

Fastfudlar və hazır yeməklərdən çəkinin. Çünki həmin qidaların tərkibində olan yağlar bədəniniz üçün zərərlidir. Ona görə də hər nə qədər bacarırsınızsa bu qidalardan uzaq olun və ev şəraitində bişən sağlam yeməklərdən yeyin.