SÖHBƏT QURANİ-KƏRİM VƏ BALIQ (2)

Balıqları dinamitlə və ya başqa bir şeylə öldürəndə yenə yeyilir. Hətta bir balıq o birini yesə, hər iki balıq da yeyilir. Halbukı, aslan bir maralı parçalasa, o maral yeyilməz. Peyğəmbər əfəndimizin açıqlaması olmadan bunları Qurani-Kərimdən anlamaq mümkün olmaz.

                Ayədə qanın da haram olduğu bildirilir. Dalaq da qandır. Ayədə baxaraq dalaq yeməyin də haram olduğunu söyləyən cahillər olmuşdur. Peyğəmbər əfəndimiz iki qanın halal olduğunu bildirmişdir. Bu iki qanın biri dalaq, o biri də ciyərdir.

                Peyğəmbər əfəndimiz, “Dənizin suyu təmizdir, murdarı (bir səbəblə öldürülmüş olanı) halaldır” və “Özbaşına ölən, su üstünə çıxan balığı yemə, su çəkilib də açıqda qalaraq ölmüşsə onu ye! Belə bir səbəblə dənizdə öləni də ye!” buyurdu.

                Su içində özbaşına ölüb, qarnı üst tərəfdə dayanan balıq yeyilməz. Fəqət, cərəyan, tor, dərman, zəlzələ, dinamit və ya hər hansı bir maddəylə ölən hər balıq yeyilir. Suyun çəkilib quruması ilə, çox istidən və ya çox soyuqdan ölən balıq və ya quşlar tərəfindən öldürülən, su içində bağlı saxlanılmaqla ölən, buz arasında sıxışaraq ölən balıqlar yeyilir. Dəniz içində ölən və ya sudan çıxarılmadan çomaqla vurulub öldürülən və ya bıçaqla başı kəsilən balıqlar yeyilir. Təmiz olmayan suların içindəki balıqları yuyub yemək caizdir. Ovlanan bir balığın içindən çıxan balıq, sağlam isə yeyilir.