SÖHBƏT CƏNNƏT HAQQINDA

Cənnət əhli, yemək-içmək dadını və ləzzətini duyar, lakin ifrazat ehtiyacı hiss etməzlər. Bu kimi bəşəri ehtiyac və iztirablardan uzaqdırlar.

 Allahu təala, Cənnətdə mömin qullarına müraciət edib: “Qullarım! Məndən daha nə istəyirsiniz, verim. Sizlər, zövq və səfada olun!”, buyurduqda, qullar da, “ya Rəbb! Bizi Cəhənnəmdən azad etdin və Cənnətinə daxil edib, bu qədər huri, qılman və uşaq verdin. Bunlardan başqa, ağla gəlməyən, gözlər görməyən, qulaqlar eşitməyən bu qədər nemət verdin. Daha bir şey istəməyə utanarıq”, deyəcək. Rəbbül-aləmin yenə xitab edib: “Qullarım! Sizin məndən bunlardan başqa istəyəcəyiniz var”, buyurduqda, qullar: “ya Rəbb! Daha istəməyə üzümüz yoxdur. Həm də nə istəyəcəyimizi bilmirik”, deyəcək. Rəbbül-aləmin, “Qullarım! Dünyada sizə bir məsələni həll etmək lazım olduğunda, nə edərdiniz?”, buyurduqda, qullar: “alimlərə gedər, o məsələni öyrənib çətinliyimizi aradan qaldırardıq”, deyəcək. Haqq sübhanəhü və təala həzrətləri: “İndi də belə edin. Alimlərə deyin, onlardan xəbər alın! Hər nə xəbər versələr, sizə verim.”, buyurduqda, alimlər də: “Sizlər Cəmalullahı unutdunuzmu? Dünyada olarkən, Rəbbimiz Cənnətdə məkandan uzaq olduğu halda, camalını çox güman ki, bizə göstərəcək, deyə arzu edərdiniz. Elə isə, onu istəyin”, deyəcək. Qullar da Cəmalullahı görmək istədiklərində, Allahü azım-üş-şan, məkandan uzaq olduğu halda, cəmali-pakını göstərəcək. Haqq təalanın cəmali-pakını (pak camalını) gördükdə, neçə min il heyran qalacaqları bildirilir.

 Cənnətdə insanlar imarətlərində oturduqda, ətrafında pəncərələr, önündə meyvələr olacaq. Qullar o meyvələri gördükdə, uzanıb budağı çəkmək və meyvəni qoparıb yemək istədikdə, oturduğu yerdən durmağa və budağı dartmağa ehtiyac qalmaz. Dərhal oturduğu yerə istədiyi budaq qabağına gələr. Meyvəni qoparıb ağzına qoyar və çeynəyib, hələ ləzzəti boğazına çatmamış, qopardığı yerdən bir başqası bitər. Ağzına qoyduqda, yetişmiş və dadlı olar.