SÖHBƏT BƏLANIN GƏLİŞ SƏBƏBLƏRİ (1)

Sual: Bəzi hədisi-şəriflərdə, Peyğəmbəri sevənin, müxtəlif müsibətlərə məruz qalacağı və Ona düşmənlik edənin isə mal və övladı çox olacağı bildirilir. Bunun şərhi necədir?

CAVAB

İnsanlara dərd, bəla, müsibət bir neçə səbəbdən gələr:

1. Bunlardan biri işlədiyimiz günahlar səbəbi ilədir. İmam Rəbbani həzrətləri buyurur ki: Bəlanın gəlməsinə səbəb günah işləməkdir. Quranı-kərimdə məalən buyurulur ki:

“Sizə gələn müsibət, işlədiyiniz [günahlar] üzündəndir.” [Şura 30]

“Sənə gələn pislik özündəndir, [günahların üzündəndir]” [Nisa 79]                                                                      

“Bir millət özünü pozmadıqca, Allah onların hallarını dəyişdirməz.” [Rad 11]

2. Bəla, xəstəlik və müsibətlər günahların kəffarəsi [əfv olması] üçün gələr. Dünyada müsibətlərə məruz qalıb haqqı ilə səbir edən axirətə günahsız gedər.

Hədisi-şəriflərdə buyurulur ki:

“Hər müsibət əfv ediləcək bir günah üçün gələr.” [Əbu Nuaym]

“Möminə gələn hər çətinlik günahlarına kəffarə olar.” [Buxari]

“Möminin günahları əfv olana qədər bəla və xəstəlik gələr.” [Hakim]

İnsan ona gələn bəladan xoşlanmaz. Halbuki günahları əfv olacaq və gözəl səbir edərsə axirətdə böyük nemətlərə qovuşacaqdır. Qurani-kərimdə məalən buyuruldu ki:

“Xoşlamadığınız şey sizin yaxşılığınıza, sevdiyiniz şey də pisliyinizə ola bilər. Siz bilməzsiniz Allah bilər.”  [Bəqərə, 216]

(davamı sabah)