SÖHBƏT HƏYAT XƏYALDIR

İnsanın həyatda olması çox qiymətlidir. Dinimiz deyir ki, dünyada bir nəfəs, axirətin yüz milyon ilinə bərabərdir. Çünki burada bir kəlimeyi-tövhid söyləyərsən, bir Allah deyərsən, “Oradakı” tərəzi dəyişər. Həyat fürsətdir. Dünya xəyaldır. Xəyal arxasınca qaçmamaq lazımdır. Xəyal arxasınca qaçanlar xəyalpərəst olurlar (xəyalın idealı olmaz). Gerçək olan axirətdir. O halda nə bəxtiyarıq ki, Allahü təala bizə özünü tanıtdı, sevdiklərini tanıtdı, dinimizi öyrətdi, dinimizi tanıtdı. Həzrəti Peyğəmbəri görüb nəsibsiz olanlar var. Həzrəti Peyğəmbəri gördülər, iman etmədilər. Amma 1400 il sonra Allahu təala bizə nəsib etdi. Onun üçün uca Allahımıza çox həmd edək, çox şükür edək. Peyğəmbər əfəndimizə iman edənlər, sevənlər Onun sözləri ilə qəlbləri təmizlənir, şəfa taparlardı. Lakin inanmayanlar eyni sözlər ilə daha çox zəhərlənir, düşmənlikləri artardı. Paxlava sağlam insana şəfa olur, şəkər xəstəsinə eyni paxlava zəhər kimi təsir edir. Bunun kimi böyüklərin sözləri xəstə qəlblərdə dəyişərək zəhər təsiri edir.  Bir müsəlmana ilk lazım olan şey imandır. İmandan dərhal sonra lazım olan elmdir. Elm öyrənmək qadın və kişi hər müsəlmana fərzdir. Öyrəndikdən sonra öyrəndiyini öyrətmək də fərzdir, ayrıca öyrəndiyini tətbiq etmək də fərzdir. Bir müsəlman bir ibadəti etməyincə günaha girər, bilmirsə ikinci bir günaha girər. Elm öyrənməmək fəlakətdir, öyrətməmək də fəlakətdir, tətbiq etməmək ən böyük fəlakətdir. Cəhənnəmin dibində yanan bəzi insanlardan çox pis iy çıxarmış, sizdən niyə belə pis iy gəlir, deyə soruşanda, deyərmişlər ki, biz din adamı idik, söylədiklərimizi etməzdik.