ZİKR NƏDİR?

Sual: Zikr nədir və necə edilir?

CAVAB
Seyid Abdülhakim Arvasi həzrətləri buyurur ki:
Zikr, xatırlamaq, anmaq deməkdir. Xatırlamaq da qəlblə olur, söyləməklə olmaz. Üç cür zikr bilirik:
1- Dillə, söyləməklə edilən zikrdir. Söyləyərkən, qəlb birlikdə xatırlamaz. Yalnız dillə söylənən zikrin qəlbi təmizləməkdə faydası az olur. İbadət savabı əmələ gəlir. Aşağıdakı ayəti-kərimə qəlbən zikr etməyənlər üçündür:
“Qəlbləri Allahü təalanı zikr etməyənlərə əzab vardır.” [Zümər 22]
2- Yalnız qəlblə olunan zikrdir. Dil söyləməz. Üç ayə məalı belədir:
“Rəbbinizi, yalvararaq, gizli və səssiz çağırın!” [Əraf 55]
“Qəlblər, ancaq Allahı zikr etməklə itminana [sükuta, rahatlığa] qovuşar” [Rad 28]
“Rəbbini daxilindən zikr et!” [Əraf 205]
Daha başqa bir çox ayəti-kərimədə, saysız hədisi-şəriflərdə və din böyüklərinin kitablarında bu zikr bildirilmişdir.

3- Dillə qəlbin birlikdə etdiyi zikrdir. Allah adamları, Övliyayi-kiram, yüksəklərə çatdıqdan sonra bu cür zikri edə bilərdilər. Qəlblə edilən zikr, birinci dəfə Fəxri-aləm əfəndimizin hicrət gecəsində, Sevr dağındakı mağarada, Həzrəti Əbu Bəkr Siddiqə diz üstünə otuzdurub, gözlərini yummasını əmr edərək səssiz etdirdiyi zikrdir. İki ayəti-kərimənin məalı:
“Həmişə sadiqlərlə birlikdə olun!” [Tövbə 119]
“Rəblərini istəyənlərlə birlikdə olmağa çalış!” [Ənam 52]

 

QİYMƏTLİ OXUCULARIMIZ

 

                Vətəndaşlarımıza xidmət üçün təqdim edilən Azərbaycan Təqvimini bu il bizə bu xidməti nəsib edən Rəbbimizə həmd edirik.

                Bu təqvimdəki dini yazılar böyük İslam alimlərinin əsərlərindən alınmışdır. Bu təqvim ilində oxucularımızın qarşısına dolğun bir məzmun ilə çıxırıq.

                Namaz vaxtları mütəxəssis bir heyət tərəfindən hazırlanmışdır. Sahur imsaq vaxtına qədər yeyilir, sübh namazı isə imsaq vaxtından 20 dəqiqə sonra qılınmağa başlanır.

                Təqvim yarpaqlarındakı ayəti-kərimə və hədisi-şərif məalləri, dini yazılar, mübarək adlar olduğu üçün, yerlərə atılmamasını xahiş edirik və huzur içində bir ömür keçirməyinizi Cənabı-Haqdan niyaz edirik. Bizə hər zaman yazı, tənqid və dua ilə kömək edən oxucularımıza təşəkkür edirik.

                                                                                                                                                                      Azərbaycan Təqvimi

_____________________________________________________________________________

 

İnternetdəki təqvim və namaz vaxtları üçün ünvanlarımız:

Təqvim üçün: www.turktakvim.com

E-mail: takvim@ihlas.net.tr

Namaz vaxtları üçün: www.namazvakti.com, www.namazvaxti.org

E-mail: vakit@ihlas.net.tr

Dini bilgilər üçün: www.gozelislam.com

 

 

NAMAZ VAXTLARI İLƏ BAĞLI AÇIQLAMA

Qiymətli oxucularımız...

Namaz vaxtları günəşin bir il ərzində gündəlik dövrü ilə əlaqəlidir. Ancaq günəş hər gün eyni yerdən doğub batmır, mövsümlərə görə meyli də dəyişir. Bu səbəblə təqvimlərdə yazılı olan namaz vaxtları incə hesablamalar ilə edilmişdir. Vaxtı hesablanması lazım yerin arz və tul (paralel və meridian) dərəcəsi ilə o günün tadili-zamanın və günəşin meyl dərəcəsinin bilinməsi lazımdır. Elmi-heyət, yəni astronomiya alimlərimizin əsrlər əvvəl bunun qayda və formullarını çıxarmış və kitablara yazmışdır. Bu formullarda istifadə edilən Tadili-zaman və Meyli-şəms cədvəlləri haqqında http://www.turktakvim.com elektron ünvanındakı saytda geniş izahı vardır.

                Bu təqvimdəki oruc və namaz vaxtlarını Osmanlı alimlərinin ən yüksək məqamları olan “Məşihatı-İslamiyyə”nin hazırladığı 1334-cü (miladi 1916) ildə İlmiyyə Sal Naməsi adındakı təqvimdən və İstanbul Universiteti Kandilli Rəsədxanasının 1958-ci il və 14 saylı Türkiyəyə Məxsus Evkatı-Şəriyyə kitabından götürdük.

                Eyni vaxtlar üçün 1926-cı ildə Təqvimi-Ziya-da deyir ki: “Bu təqvim Dəyanət İşləri Rəyasət Heyəti Müşavirliyi tərəfindən tədqiq edilib riyasəti-cəlilənin təsdiqi ilə əlavə edilmişdir.

                Din işlərində islam alimlərinin və astronomiya mütəxəssislərinin təsdiq etdiyi oruc və namaz vaxtları istifadə edilməlidir. Azərbaycan Təqvimindəki hörmətli müftilərin və hesab mütəxəssislərin də iştirak etdiyi elm heyətinin ən yeni elektron cihazlarla hesabladığı bu vaxtlar həmişə eyni vaxtlar olmuşdur. 1982-ci ilə qədər Türkiyədə təmkin vaxtını heç kim dəyişdirməmiş, bütün alimlər, övliyalar, şeyxülislamlar, müftilər, bütün müsəlmanlar əsrlər boyu namazlarını bu şəri vaxtlarında qılmış və oruclarına bu şəri vaxtlarında başlamışdırlar. Azərbaycan Təqvimindəki təmkin vaxtı dəyişdirilməmiş, namaz və oruc vaxtları doğru olaraq bildirilmişdir. İndi də hər müsəlmanın bu icmai-Müslimindən ayrılmaması lazımdır. Təqvimizdəki namaz vaxtları şəhərin ən yüksək yerinə görə və şərq-qərb, şimal-cənub hüdudlarını içinə alacaq şəkildə hesablanmışdır. Bu səbəbdən namaz qılmağı vaxtın sonuna qədər gecikdirməmək lazımdır.