SÖHBƏT CÜMƏ NAMAZI

Allahu təala Cümə gününü müsəlmanlara məxsus qılmışdır. Cümə günü günorta vaxtında Cümə namazını qılmaq Allahu təalanın əmridir. Allahu təala Cümə surəsinin sonundakı ayəti-kərimədə buyurdu ki, “Ey iman etməklə şərəflənən qullarım! Cümə günü, zöhr azanı oxunduğu vaxt xütbə dinləmək və Cümə namazı qılmaq üçün məscidə gedin! Alış-verişi buraxın! Cümə namazı və xütbə, sizə başqa işlərinizdən daha faydalıdır. Cümə namazını qıldıqdan sonra məsciddən çıxar, dünya işlərinizi etmək üçün gedə bilərsiniz. Allahu təaladan ruzi gözləyərək çalışın. Allahü təlanı çox xatırlayın ki, qurtula biləsiniz!”

Namazdan sonra istəyən işinə gedib çalışar, istəyən məsciddə qalıb namaz qılmaq, Qurani-Kərim və dua ilə məşğul olar. Cümə namazı vaxtı girincə, alış-veriş  etmək günahdır.

Peyğəmbərimiz (sallallahü aleyhi və səlləm) müxtəlif hədisi-şəriflərində buyurdu ki: “Bir müsəlman Cümə günü qüsl alıb Cümə namazına gedərsə, bir həftəlik günahları əfv olar və hər addımı üçün savab verilər.”

“Cümə namazı qılmayanların qəlblərini Allahü təala möhürləyər. Qafil olarlar”.