İSLAM ALİMLƏRİ SEYİD YƏHYA ŞİRVANİ

Böyük Övliyalardandır. Adı Yəhya ibn Bəhaəddindir. Seyid olub soyu Peyğəmbər Əfəndimizə çatar. Şirvanda  doğuldu.  Doğum tarixi bilinmir. 1464-cü il (hicri 868) tarixində vəfat  etdi. Qəbiri-şərifi Bakıda,  Şirvanşahlar sarayındadır.

Seyid Yəhya Şirvani uşaqlıqda fövqəladə  ədəb və əxlaq sahibi bir uşaq idi. Bir gün yoldaşları ilə oyun oynayarkən övliyanın böyüklərindən  İzzəddin Xəlvətinin oğlu  ilə Sədrəddin Xəlvətinin kürəkəni olan Pirzadə həzrətləri onu gördülər. Uşağı bir müddət seyr etdikdən sonra bir-birlərinə: “Allahu təala bu uşağa babalarının ədəbini,  yetkinliyini və gözəl xasiyyətini lütf etmiş. Dua edək ki, Xəlvəti yolunun feyz və bacarıqlarına qovuşsun” dedilər. Əl açıb Cənab Haqqa yalvarıb uzun-uzun dua etdilər. O gecə Seyid Yəhya yuxusunda Rəsulullah Əfəndimizi gördü. Sevimli Peyğəmbərimiz:  “Övladım Yəhya! Xəlvəti yolunun  böyüklərindən olan  Sədrəddinə get. Onun söhbəti və xidməti ilə şərəflən!” buyurdu. Səhər olunca yaşının kiçikliyinə baxmadan Sədrəddin Xəlvətinin hüzuruna can atdı. Onun tərbiyəsi altında elm öyrənməyə başladı. Qısa zamanda xocasının  feyz və bərəkətləri ilə, elmdə və  təsəvvüf yolunda çox yüksək dərəcələrə çatdı.

Seyid Yəhya həzrətləri çox isti aylarda azuqəsiz və susuz səhralara çıxar, orada günlərcə qalar, ibadətlə məşğul olardı. Xəlvət, tək olaraq tənha bir yerdə qalmaq və ibadət etmək, dəyişməz xüsusiyyətlərindən idi.

Seyid Yəhya həzrətləri vəfat etdikdən sonra  sevdikləri onu yuxuda gördülər və: “Allahu təala  Sizə necə rəftar etdi” deyə soruşdular. O da: “Allahu təala  ərşi-ala altında bir döşək üzərində oturmağımı nəsib edib ətrafıma yaxşı insanların ruhlarını yığdı və mənə xitab edib: “Ey Yəhya!  Dünyada tələbələrin ilə toplanıb oxuduğun dərsləri indi bu Cənnətliklərlə oxu. Bunlar eşitsinlər” buyurdu. Mən də oxumağa başladım” buyurdu.

Seyid Yəhya həzrətlərinin  tələbələrinin ən  üstünləri:  Pir Şükrullah, Alaəddin Xəlvəti, Həbib Əfəndi, Məhəmməd Ərzincani və Dədə Ömər Ruşəni Xəlvəti həzrətləridir.