MƏNKİBƏ SULTANLIĞI NECƏ TƏRK ETDİ

Bəlh Sultanı İbrahim Ədhəm bir gecə xanımıyla quş tüklü yataqda yatarkən özünü rahat hiss edərkən, “Xatun, Cənnətdə də səninlə belə birlikdə olsaq” dedi. Tam bu sırada sarayın damında bir ayaq səsi eşidildi. Damda bir adamın gəzdiyi aydın olurdu. İbrahim Ədhəm əsəbiləşmişdi. “Kimdir bu saatda o damdakı ... Nə axtarırsan orada?” deyə səsləndi. “Dəvəmi itirdim, onu axtarıram” deyə cavab gəldi. Hökmdar, çox qəzəbli halda ... “hey, çaşmışan, damda dəvə olur?!” deyə qışqırdı. Damdakı dedi ki: “Ey hökmdar! Damda dəvə axtarmazlar da, atlas yataqlarda Cənnət axtarmaq olar?”

Bu söz hökmdara çox təsir etmişdi ...

Sabah vəzirləriylə görüşərkən ağlı, fikri gecə olan bu hadisədə idi. Bu sırada bağçadan səslər gəlməyə başladı. Pəncərədən baxanda enli kürəkli bir cavanın saray gözətçiləri ilə mübahisə etdiyini gördü. Səslənərək onları içəri çağırdı və gəncə nə istədiyini soruşdu. Gənc hirslə, “Mən karvansaraya girmək istəyirəm, bunlar buraxmırlar” dedi. Yaxşı, amma, bura karvansaray deyil ki, saraydır, mən də padşaham dedi. Gənc etiraz etdi, xeyr karvansaraydır, dedi. Yaxşı, niyə karvansaraydı bura? Səndən əvvəl kim idi burada? Atam vardı. Nə oldu ona? Köçdü getdi. Ondan əvvəl? Babam vardı. Ona nə oldu? O da köçüb getdi. Yaxşı, birinin köçüb digərinin gəldiyi yerə karvansaray deyilmir?

Gənc bunu söyləyib, çıxıb getdi. Gecə damdakı adamın sözləri və indi də bu gəncin sözləri yaxşıca canını sıxmışdı padşahın. Dərhal ov paltarlarını geyinib, səhraya doğru atını sürdü. Bu iki hadisənin təsirindən xilas olmağa çalışırdı. Bir ceyran gördü. Bunu qovmağa başladı. Bir neçə saat bununla məşğul oldu. Sonunda elə bir yerə sıxışdırdı ki, artıq ceyranın qaçacağı yer yox idi. Öz-özünə ceyrana səsləndi, məni çox yordun, indi nə edəcəksən, necə xilas olacaqsan əlimdən? O anda ceyran, Allahu təalanın izni ilə dilə gəlib, sənin başqa işin yoxdur, nə istəyirsən məndən, məni öldürmək üçün yaradıldın sən, öz vəzifəni görsənə” dedi.

Bunun üzərinə İbrahim Ədhəm oxunu-yayını atıb tövbə etdi. Padşahlığı da buraxdı, bir daha məmləkətinə dönmədi. Getdi, İslam alimlərinə tələbə oldu, illərlə elmlə məşğul oldu. Sonunda İbrahim Ədhəm həzrətləri oldu.