SAĞLAMLIQ OTAQ BİTKİLƏRİ

Müqayisə edin: bir it, pişik və ya bir quş sahibi olmaq, yoxsa bir neçə aloye, ətirşah və ya başqa bitkilərlə dibçək saxlamaq?..

Fərq açıq aşkardır: otaq bitkiləri tələbkar və bezdirici deyillər, çoxu da ürəkaçandır. Bu da faktdır ki, onlar havanı təravətləndirirlər. Böyük Britaniya Bağbanlıq Cəmiyyəti(Royal Horticultural Society) və Redinqks universitetinin tədqiqatlarına görə, payız-qış aylarında quru və həssas dərili insanlar üçün xüsusilə əhəmiyyətlidir. Çünki açıq havanın temperaturu ilə evin ilıq mikroiqlimi fərqlidir. Həmçinin,bitkilər əsəb sistemini sakitləşdirir və immun sistemini gücləndirir.

Otaq bitkiləri küçənin və evin tozunu ‘’yaxalayıb’’ neytrallaşdırır, evdə olan yağ, yemək və ədviyyat kimi müxtəlif qoxuları da azaldır.

Siz yəgin ki, fikir vermisiniz- bağbanlar və floristlər adətən sakit təbiətli, təmkinli və humanist olurlar. Aşkar olunub ki, onlar daha az xəstələnirlər.

Hansı bitkilərə üstünlük verməliyik?

Otaq üçün ideal bitkilər - transpirasiya səviyyəsi yüksək olan, yəni suyun hərəkəti və buxarlanması yüksək olan rütubət sevən bitkilərdir. “Sülh liliyası” və ya “Spatifillium” (“Qadın xoşbəxliyi” də adlandırırlar) və “Daşsarmaşığı” (“Hedera”). Spatifillium hündürlüyə 50 sm, eninə 30 sm böyüyə bilir və gündə 100 ml. maye buxarlandırmaq qabiliyyətinə malikdir.

Lakin mütəxəssislər bildirirlər ki, evə bitki seçərkən diqqətli olmaq lazımdır. Xüsusilə? yataq otağına hər bitkini qoymaq olmaz. Çünki bəzi bitkilər zəhərli maddələr ifraz edir və çox kəskin qoxuya malik olur, hansı ki, bu sizin yuxunuza mənfi təsir göstərə bilər, baş ağrısı verə bilər və ya daha da pis – allergiyaya səbəb ola bilər. Hərdən insan yuxusuzluq kimi narahatlığın səbəbini bilmir. Sən demə qəbahət otaq bitkisində imiş-‘’çünki otaq bitkiləri havanın tərkibini dəyişirlər’’.