SÖHBƏT ORUCUN FƏRZLƏRİ

Bir ibadəti yerinə yetirərkən o ibadətin fərzlərini, vaciblərini, sünnətlərini, məkruhlarını və müfsidlərini, yəni pozan şeyləri də bilmək lazımdır. Bunlar bilinməzsə, edilən ibadət sağlam olmaz.

Bunun üçün orucun fərzlərini, məkruhlarını və müfsidlərini, yəni orucun pozan halları və pozmayan şeyləri yaxşı bilmək lazımdır. Lakin orucu pozmayan fəqət orucun savabını azaldan şeylərdən də qaçmaq lazımdır. Orucun farzı üçdür:

Niyyət etmək
Niyyəti ilk və son vaxtlar arasında etmək
İmsaqdan günəşin batmasına qədər olan zaman içində orucu pozan şeylərdən çəkinməkdir.

Hədis-şəriflərdə buyuruldu ki: “5 şey orucun savabını aparar: Yalan, nəmimə (yəni söz daşımaq), qeybət, yad qadına şəhvətlə baxmaq və yalandan and içmək”.

“Bir kimsə Ramazan ayında oruc tutmağı fərz bilir, vəzifə bilir və orucun savabını Allahu-təaladan gözləyərsə keçmiş günahları bağışlanır”

Demək ki, orucun Allahın əmri olduğuna inanmaq və savab gözləmək lazımdır.