SÖHBƏT............ORUCA NİYYƏT ETMƏK

 Bir gün əvvəl günəş batmasından oruc günü dahvə vaxtına (günortadan bir saat əvvəl) qədər Ramazan orucuna qəlb ilə niyyət etmək fərzdir. İmsakdan əvvəl niyyət edərkən “niyyət etdim sabah oruc tutmağa”, imsakdan sonra niyyət edərkən də “niyyət etdim bu gün oruc tutmağa” deyə niyyət edilir. Səhv edib səhv söyləsə də eybi olmaz. Hər gün ayrı niyyət etmək lazımdır. Bəlli gün olan əhd orucunun və nafilə orucun niyyət zamanı da belədir. Qəza və kəffarə orucuna və zamanı bəlli edilməyən əhd oruclarına imsaqdan sonra niyyət etmək olmaz.

 Sahur yeməyi. Sahur yeməyi çox fəzilətlidir. Üzrsüz tərk edilməməlidir. İftara tələsmək və sahuru imsaq vaxtından əvvəl olmaq şərtilə gecikdirmək sünnətdir. (İftar vaxtının girdiyindən əmin olunmalıdır. Axşam namazını da gecikdirməməlidir.)

SÖHBƏT     ...............ORUCUN FƏZİLƏTLƏRİ

 Allahu təala Ramazan aylarında gündüzləri oruc tutmağı əmr etmişdir. Allahu təala bu əmri səbəbsiz verməmişdir. Oruc insanları həm maddi, həm də mənəvi faydalarla təmin edər. Bütün bir il müxtəlif yeməkləri əritmək üçün yorulan insan mədəsi və bağırsaqları ildə bir ay dincələrək sağlamlığını qorumuş olur. Bu maddi faydasıdır. Mənəvi faydası da budur: oruc tutan bir insan aç qalmış bir insanın çəkdiyi iztirabı birbaşa hiss edərək kasıb insanlara yardım etmək ehtiyacını hiss edər. Bu da insanların bir-birilərinə kömək etmələrinə səbəb olur. Bir-birinə kömək edən insan topluluğu arasında isə çəkişmələr olmaz. Bundan başqa Allahu təalanın əmrini yetirmək üçün gündüzləri bir ay oruc tutan bir müsəlman Allahu təalanın başqa əmrlərini etməyə də alışır.