SÖHBƏT GÜNAH İŞLƏYƏNİN ORUCU (2)

Günah işləyən oruc tutarsa və ya zəkat verərsə, «Aman, bunları heç olmasa, tərk etmə» demək lazımdır! Bu ibadətləri də etməzsə, dindən tamamilə uzaqlaşa bilər. Qorxutmaqdan çox müjdələyici olmaq lazımdır. Peyğəmbər əfəndimiz “Allahın rəhmətindən ümid kəsdirib dindən nifrət etdirənlərə lənət olsun! Asanlaşdırın, çətinləşdirməyin” buyurmuşdur. (Buxari)

 Günah işləyən müsəlmanlıqdan çıxmaz. Bir hədisi-şərifdə buyurulub:
“Cəbrayıl əleyhissalam “Ümmətinə müjdə ver ki, müşrik olaraq ölməyən Cənnətə girər” dedi. Mən “Zina və oğurluq edən də Cənnətə girərmi?” deyə üç dəfə soruşdum. “Bəli zina və oğurluq edən də Cənnətə girər” dedi. Daha sonra “İçki içsə də, yenə axırda Cənnətə girər” dedi”. (Buxari)

 Bu əhli-sünnət etiqadıdır; günahları yüngül saymaq deyil. Bu inanc insanı günaha sövq etməməlidir! Hər günah qəlbi qaraldar, insanı küfrə sürüyüb Cəhənnəmdə əbədi qalmağa səbəb ola bilər. Hər günahdan qaçmaq lazımdır. Çünki Allahın qəzəbi günahların içində gizlənmişdir. Bəlami Baura çox ibadət edən böyük bir alim ikən bir günah üzündən imansız öldü. Günah işləyən dərhal tövbə etməlidir!

MƏNTİQİ TAPMACA                        MƏNFƏƏTMİ, ZƏRƏRMİ?

Əli 5 manata aldığı çantanı 6-ya satıb, 7 manata satın alır. Eyni çantanı 8-ə satıb 9-a geri aldıqdan sonra ən sonunda 10 manata satır. Bu alverdən mənfəətmi etdi, zərərmi etdi? Nə qədər?      

(Cavabı sabah)