SÖHBƏT SƏFƏRDƏ İFTAR SAATI

Sual: Oruca niyyət edib sonra başqa bir məmləkətə gedən kimsə, iftarını getdiyi yerə görə açar? Yəni sahurda niyyət etdiyi yerin iftar vaxtını, yoxsa getdiyi yerin vaxtını əsas götürər?

 Cavab: Olduğu yerin vaxtı əsas götürülür. Hara gedərsə getsin, olduğu yerdə günəş batanda, yəni axşam vaxtı olunca orucunu açar. Avtobusda, avtomobildə və ya gəmidə gedirsə, yenə olduğu yerdə iftar vaxtı olunca orucunu açar. Amma təyyarədə isə üstündən keçdiyi şəhəri əsas ala bilməz, çünki bir yerin iftar və digər namaz vaxtlarının hesablanmasında, yüksəklik də hesaba qatılar. Təyyarədə Günəşin batması çox daha gec olacağı üçün, iftar vaxtı da üstündə olduğu şəhərdən daha sonra olur. Bunun üçün təyyarədə olan kimsə, Günəşin batdığını, üfüqdə itdiyini görmədən orucunu aça bilməz.

 Göründüyü kimi iftar vaxtında oruc açılan yerin zamanı, yəni günəşin batması əsas götürülür. Saata görə hərəkət edilməz. Dünyanın hansı şəhəri olursa olsun, orucda və namazda, hər kəs çatdığı şəhərin vaxtına görə hərəkət edər. Günəş batmadan oruc açılmaz və axşam namazı qılınmaz. (Neməti İslam, Dürər)

 Əgər çox sürətli gedən bir təyyarə, heç yerə enmədən şərqdən qərbə gedirsə və bu zaman 24 saatdan çox olmuşsa, məsələn 33 saat olsa, o zaman gündüzü 24 saatdan az olan bir şəhərin saatına uyğun hərəkət edər. Oruc tutulan gün 24 saatdan azdırsa günəş batana qədər gözləmək lazım olduğu bütün fiqh kitablarında yazılmışdır.                                         (Neməti İslam, Dürər)