HAVA (ATMOSFER):

Bir hava dəryasının dibində yaşamaqdayıq.

Hava, təxminən yüz kilometr yüksəklikdə olub, yuxarısı daha yüngül qaz təbəqələri ilə örtülüdür. Okeanların 800 metr dərinliyində yaşayan balıqlar, havaya çıxarıldıqda parçalandığı kimi, insanlar da, hava təzyiqi altından çıxarıldıqda yaşaya bilməzlər. Hava, dəniz kənarında, bir kvadrat santimetr səthə, bir kiloqram təzyiq göstərməkdədir. Bu təzyiq miqdarına, bir (Atmosfer) deyilir ki, yetmiş altı santimetr [76 sm] yüksəkliyindəki civənin təzyiqinə bərabərdir. Civənin xüsusi çəkisi 13,6 qr/sm³ olduğu üçün, min otuz üç santimetr [76x13,6=1033,6] suyun təzyiqi, yəni on metr və otuz üç santimetr yüksəkliyindəki suyun təzyiqi, bir atmosferdir. İnsan dərisinin sahəsi, təxminən, 1.5 kvadrat metr olduğuna görə, hava, hamımızı on beş ton qüvvəylə əzməkdədir. Bu böyük qüvvə altında, əzik vəziyyətə düşməməyimiz, tənəffüs sayəsindədir. Tənəffüs yolları, ağciyər kisələri, kapilyarlar və qan damarları vasitəsilə orqanizmin bütün hüceyrələrinə hava girdiyinə görə, daxilimizdə də xaricdəki təzyiqə bərabər olan bir təzyiq mövcuddur. İsti havada təzyiq azalır, barometr düşür. Soyuqda isə yüksəlir. Bu təzyiq dəyişkənliyi, səhhətimiz üçün çox mühimdir. Bu dəyişkənlik olmasaydı, bildiyimiz xəstəliklərin dörddə biri mövcud olmazdı. Tibbi cəhətdən iqlimlər, çəmənlərin və qışda yaylaqların, baharda xətti-üstüva [ekvator] adalarının iqlimləridir.