SÖHBƏT MƏCUZİLİK (2)

Sonra gələn məcusilər bir çiynində xeyir, digər çiynində şər (yamanlıq) olan ilahlar təsvir edib, rəsmlərini çəkmişlər. Məcusilər atəşi xeyir ilahı olan Hörmüzün bir simvolu qəbul etdiklərinə görə, hər bir məbəddə Atəşgah adlanan və davamlı od yanan yer düzəltmişdilər. Bu od heç vaxt sönməyərək yanardı. Heç kim ona toxuna bilməz, hətta nəfəsilə belə oranı çirkləndirə bilməzdi. Ona görə od qalayan rahibin əllərində əlcək və ağzında peçə olurdu. Məcusilər atəş yandığı müddətdə xeyir ilahının şər ilahına qalib gələcəyinə inandıqları üçün atəşin heç vaxt sönmədən yandırılmasının lazım olduğuna inanırdılar. Peyğəmbər əfəndimizin doğum gecəsində meydana gələn qeyri-adi hadisələrdən biri də məcusilərin min ildən çox yanmaqda olan möhtəşəm atəş yığınlarının anidən sönmüş olmasıdır.

     Qədim İranda təxminən b.e.ə. 7-ci və ya 6-cı əsrdə yaşadığı qəbul olunan Zərdüşt guya qədim dini düzəltmək üçün ortaya çıxmış və İrandakı çoxtanrılığa qarşı tək ilah inancının tərəfini tutmuşdur. Ona görə ən yüksək Rəb (ilah), “Ahura-məzdah”dır. Ahura hər şeyi bilən, kainat nizamını idarə edən, hər şeyə həyat verən və hər şeyin hakimi olan ən böyük qüdrətdir. Bununla yanaşı xeyir (Hörmüz) və şər (Əhriman) kimi iki ilah görüşünü tərk edə bilməyib və atəşgahlarda yenə atəş yanmışdır. Zərdüşt bir gün dünyanın sona çatacağını, qiyamətin qopacağını, Cənnət və Cəhənnəmin var olduğunu, ölən insanın ruhunun hesaba çəkiləcəyini, özündən əvvəl gələn Peyğəmbərlərdən və ya gətirdiyi kitablardan, yaxud da onlara inananlardan öyrənərək qəbul etmişdir. Həmçinin, insanlara dünya və axirət səadətini öyrədən, doğru yolu göstərən bir Peyğəmbərə tabe olmaq səadətinə qovuşa bilmədiyi üçün, doğru yolu tam olaraq tapa bilməmişdir. Daha sonra onun tək ilah olaraq qəbul etdiyi və “Ahura-məzdah” adını verdiyi ilahın yerini günəş tanrısı “Mitra” almışdır.

     Bütün İrana yayılan Zərdüşdün fikirləri, b.e. 7-ci əsrində İslam ordularının İrana girməsiylə Tövhid əqidəsi (tək Allah inancı) yerləşdiyində sona çatmış və Məcusilərin çoxu haqq din olan İslamiyyəti qəbul etmişdirlər. Bir qismi də Hindistana sığınaraq, Brəhmənlərin etiqadlarını da mənimsəyərək yeni bir əqidə növü qəbul etmişdilər. Bu batil əqidəyə sahib olanlara bu gün Bombey şəhəri yaxınlarında rastl gəlmək mümkündür.