SÖHBƏT QƏBİR ƏZABI KABUS KİMİ DEYİL

Sual: Ölümə yuxu, qəbir əzabına kabus demək düzgündürmü?
CAVAB
Xeyr, çox səhvdir. Ölüm, mömin üçün nemət, kafir üçün müsibətdir. Allahü təala Əzrayıl əleyhissalama, “Dostlarımın canını asan al, düşmənləriminkini isə çətin al” buyurdu.

Hədisi-şərifdə buyuruldu ki:

“Mömin öləcəyi vaxt, rəhmət mələklərini görər, can vermə acısını hiss etməz. Ruhu tük kimi yüngül, asan çıxar, nemətlərə qovuşar.” [Bəzzar]
Mömin bu anda çox sevinir. Həzrəti Əzrayıl belə möminə, “Qorxma, Ərhamürrahiminə gedirsən, əsl vətəninə qovuşursan, böyük dövlətə nail olacaqsan” deyər. Belə insan üçün bundan daha şərəfli bir gün yoxdur. Möminin ruhunun bədəndən ayrılması, yəni ölməsi, əsirin həbsdən qurtulması kimidir. Hədisi-şərifdə buyuruldu ki:
“Ölüm möminə ən dəyərli hədiyyədir.” [Tabərani]

Ölmək yuxu deyildir. Ölmək yox olmaq da deyildir. Varlığı pozmayan bir işdir. Ölüm, ruhun bədənə olan bağlılığının sona çatmasıdır. Ruhun bədəndən ayrılmasıdır. Ölüm, bir haldan başqa hala keçmək, bir evdən başqa bir evə köçməkdir. Allahü təalaya qovuşmağı istəyən mömin ölümü pis saymaz. Çünki ölüm, dostu dosta qovuşduran bir körpüdür. Cənnəti sevən və ona hazırlaşan insan ölümü sevər. Çünki ölüm olmasa, Cənnətə girmək olmayacaq.