Untitled Document

DUA EDƏRKƏN GÖYƏ BAXMAQ

Sual: Dua edərkən göyə baxmaqda bir zərər varmı?
CAVAB
Dua edərkən başı yuxarı qaldırmaq doğru deyildir. Allahü təala məkandan münəzzəhdir. Bəzi bidət əhli kimi haşa Allahü təalanı göydə zənn etmək çox təhlükəlidir. 
Buxarinin rəvayət etdiyi bir hədisi-şərifdə namaz qılarkən göyə baxmaq şiddətlə yasaq edilmişdir. (Əl-Ənvar)

AD İLƏ BİLDİRMƏK ÖNƏMLİDİR

Sual: Qurani-kərim oxunduqdan sonra bütün Müsəlmanlar deyilərkən, hamısına eyni savab getdiyinə görə filan şəxsə, filan övliyaya deyə adının çəkilməsinin faydası nədir?

CAVAB
Peyğəmbər əfəndimizin ruhuna göndərmək duanın qəbulu üçün şərtdir. Ad ilə bildirilərsə, “Filankəs tərəfindən göndərilmişdir” deyə vəfat edən o şəxsə bildirilir. O da, göndərənə təvəccüh edər. Göndərən kəs qəflətdə deyildirsə, ruhundan o anda istifadə edər, feyz alar. Ad ilə bildirilməzsə, savab yenə hər kəsə paylanır, amma kimin göndərdiyi bildirilməz. “Bir Müsəlmandan hədiyyədir” deyilir. Ad bildirilərsə, məsələn; “Əli Əfəndi, sizə oxuduğu Qurani-kərimin savabını göndərdi” deyilir. Yəni, o şəxs, kimin göndərdiyini ismən bilmiş olur.