Untitled Document

Hansı heyvanlardan qurban olur

Sual: Hansı heyvanlardan qurban olur, xüsusiyyətləri nələrdir?

CAVAB

1- Yalnız davar, mal-qara və dəvədən qurban olur. Davar dedikdə qoyun-keçi, mal-qara dedikdə də inək, öküz, camış, dana, düyə, buğa nəzərdə tutulur.

2- Dişi heyvandan da, erkək heyvandan da qurban olur. Qoyunun erkəyi və ağı qarasından çox olanı, keçinin dişisi daha savabdır. Qiymətləri eyni isə qoyun mal-qaradan daha savabdır.

3- Yunu qırxılmış qoyunu qurban etmək və qurban üçün almaq məkruhdur.

4- Davarın 1, mal-qaranın 2, dəvənin 5 yaşını keçməsi lazımdır. 6 ayı keçən quzu, iri isə qurban olar.

5- Bir gözü görməyən, topal olub gəzə bilməyən, dişlərinin yarısı olmayan, qulağının və ya quyruğunun çoxu olmayan, bir ayağı kəsik və ya ölmək üzrə olan xəstə heyvandan qurban olmaz.

6- Əti yeyilən vəhşi heyvandan qurban olmaz. Yabanı öküz (kəl), yabanı dəvə (lama) və yabanı qoyundan da qurban olmaz. Mələzdirsə, anasına bağlıdır. Məsələn, yabanı bir qoçla, ev heyvanı olan bir qoyundan meydana gələn bala qurban edilər. Tərsinə, yəni bir erkək keçi (təkə) bir maraldan meydana gələn bala qurban edilməz. Anası ev heyvanı isə balası qurban edilə bilər.

7- Husyələri (xəyaları və s.) kiçik, hamilə, tükü tökülmüş heyvanı qurban etmək məkruhdur.

8- Burnu və ya dili kəsik, yaxud çoxu olmayan heyvandan qurban olmaz.

9- Davarda bir, mal-qarada iki məməsi kəsik isə qurban olmaz, amma balasını əmizdirirsə olar.

10- İki qulağı kəsik, biri kökündən kəsik, quyruğu kəsik, bir və ya iki qulağı yoxdursa, qurban olmaz.

11- Diz qapaqları kimi bir yeri sümüyünün başına qədər qırılan heyvandan qurban olmaz.

12- Qurbanlıq buğaya minmək və ya onunla cüt sürmək məkruhdur.